హైదరాబాద్ :( ధర్మఘంట) :ట్రూ న్యూస్ రామ్ చరణ్ గేమ్ చేంజర్ మీద ప్రస్తుతం ఎలాంటి దాడి జరుగుతోందో అందరికీ తెలిసిందే. అన్ని వైపుల నుంచి గేమ్ ఛేంజర్ మీద విమర్శలు వస్తున్నాయి. శంకర్ తీసిన కొన్ని సీన్లు, రామ్ చరణ్ లుక్స్, యాక్టింగ్ మీద ట్రోలింగ్ జరుగుతోంది. పాటల మీద పెట్టిన శ్రద్ద కథ, కథనం మీద పెడితే బాగుండేదని విమర్శిస్తున్నారు. శంకర్ అవుట్ డేటెడ్ అని.. ఇంకా అక్కడే ఆగిపోయాడని ఈ మూవీని ఓ ఇరవై ఏళ్ల క్రితం తీసి ఉంటే జనాలకు నచ్చేదేమో అని అంటున్నారు. గేమ్ ఛేేంజర్ సినిమాకు డివైడ్ టాక్ వచ్చింది. మిడ్ నైట్ షోల నుంచి నెగెటివిటీ పెరిగింది. చాలా చోట్ల హౌస్ ఫుల్స్ కూడా కాలేదు. ఇక నార్త్‌లో అయితే సినిమాకు ఓపెనింగ్స్ కూడా ఎక్కువగా రావేమో అని ట్రోలింగ్ చేశారు. కేరళలో జీరో షేర్ అంటూ యాంటీ ఫ్యాన్స్ ట్రోలింగ్ చేస్తున్నారు. ఇంతటి నెగెటివిటీలో గేమ్ ఛేంజర్ నిలబడుతుందా? లేదా? అని కూడా అంతా అనుకుంటున్నారు. తాజాగా గేమ్ ఛేంజర్ టీం నుంచి కలెక్షన్ల విషయంలో క్లారిటీ వచ్చింది. గేమ్ ఛేంజర్ సినిమాకు మొదటి రోజు 186 కోట్ల వసూళ్లు వచ్చాయని చెప్పుకొచ్చింది టీం. అయితే దేవర ఓపెనింగ్‌ను బీట్ చేసినట్టుగా చెప్పుకోవచ్చు. అయితే గేమ్ ఛేంజర్‌కు నిజంగానే అంత వచ్చిందా? ఇదంతా ఫేక్ అంటూ ఇప్పటికే ట్రోలింగ్ కూడా స్టార్ట్ అయిపోయింది. అసలు ఈ కలెక్షన్లు, పోస్టర్ల మీద ఇది వరకు టాలీవుడ్‌లో ప్రముఖులైన నాగవంశీ, రానా వంటి వారు క్లారిటీగా చెప్పారు. మా నిర్మాతలెవ్వరైనా సరే.. మా వ్యాపారాన్ని మేం రోడ్డున పెట్టుకుంటామా? ఎంత వచ్చిందో మీకు ఎందుకు చెప్తాం.. చెప్పేదంతా నిజం కాదు అని అన్నాడు.
